Ҳайит байрами кунларида қандай об ҳаво кутиляпти? — Бизга қўшилинг: ???? https://t.me/joinchat/AAAAADwt0NGCRoONT4f1_Q
Гидрометеорология хизмати маркази жорий йилнинг 9-12 июль куни кузатиладиган об-ҳаво маълумотини эълон қилди. Унга кўра, Қорақалпоғистон, Хоразм вилоятида ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 7-12 м/с тезликда эсади. Ҳарорат 9 июлда кечаси 16-21 даража, кундузи 30-35 даража, 10-12 июлда кечаси 18-23 даража, кундузи 33-38 даража бўлади. Бухоро ва Навоий вилоятларида ҳам ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 7-12 м/с тезликда эсади. Ҳарорат 9 июлда кечаси 20-25°, кундузи 32-37°, 10-12 июлда кечаси 20-25°, кундузи 34-39° бўлади. Тошкент, Самарқанд, Жиззах, Сирдарё вилоятларида ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 7-12 м/с тезликда эсади. Ҳарорат 9 июлда кечаси 17-22 даража, кундузи 30-35 даража, 10-12 июлда 32-37 даража бўлади. Қашқадарё ва Сурхондарё вилоятларида ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 7-12 м/с тезликда эсади. Ҳарорат кечаси 20-25 даража, кундузи 34-39 даража бўлади. Андижон, Наманган, Фарғона вилоятларида ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 5-10 м/с тезликда эсади. Ҳарорат 9 июлда кечаси 17-22 даража, кундузи 30-35 даража, 10-12 июлда 32-37 даража бўлади. Республиканинг тоғолди ва тоғли ҳудудларида ҳаво бироз булутли бўлади, баъзи жойларда ўзгариб туради, ёғингарчилик кутилмайди. Шамол шарқдан 7-12 м/с тезликда эсади. Ҳарорат кечаси 10-15 даража, кундузи 21-26 даража бўлади. Эслатиб ўтамиз, Қурбон ҳайити арафасида иш ҳафтасининг туридан қатъи назар 4 кун дам олинади. Бунда: 9 июль (шанба) – Қурбон ҳайити байрами; 10 июль (якшанба) – дам олиш куни; 11 июль (душанба) – барча ходимлар учун қўшимча дам олиш куни; 12 июль (сешанба) – 6 кунлик иш ҳафтасида ишлайдиганлар учун қўшимча дам олиш куни, 5 кунлик иш ҳафтасида ишлайдиганлар учун 16 июль (шанба) дан кўчирилган дам олиш куни.