Саидёқуб Қаҳрамонов UFC’даги иккинчи жангида ҳам ғалаба қозонди — Бизга қўшилинг: ???? https://t.me/joinchat/AAAAADwt0NGCRoONT4f1_Q
АҚШнинг Лас-Вегас шаҳрида Тошкент вақти билан 10 июль тонгида UFC Vegas 58 мусобақаси бўлиб ўтди. Ушбу MMA оқшомида ўзбекистонлик яккакурашчи Саидёқуб Қаҳрамонов (10-2) иштирок этди. Унга Ронни Лоуренс (8-2) рақиб бўлди. Жанг Саидёқубнинг устунлигида ўтди. Уч раунд давом этган жангда спортчи очколар эвазига рақибидан устун келди. Шу тариқа ўзбекистонлик яккакурашчи UFC’даги навбатдаги ғалабасини қўлга киритди. Қаҳрамонов UFC’даги дебют жангини Гуам вакили Тревин Жонсга қарши ўтказиб, рақибини бўғиш усули билан мағлуб этганди. Маълумот учун, Саидёқуб Қаҳрамонов 1995 йилнинг 14 ноябрида Самарқандда туғилган. Спортчи профессионал MMA’да ўнта жанг ўтказиб, уларнинг 8 тасида ғолиб бўлган ва иккита жангда ютқазган. Мағлубиятларидан бирини ҳозирда UFC’да иштирок этаётган Умар Нурмагомедовдан қабул қилиб олган.