Самарқандда оммавий жанжал бошлашга уринган 6 киши қамоққа олинди (фото) — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Самарқанд вилояти ичи ишлар бошқармаси Самарқанд вилояти Паст Дарғом туманида бир гуруҳ шахслар содир этиши мумкин бўлган катта жанжалнинг олди олинди. Бу ҳақда вилоят ичи ишлар бошқармаси ахборот хизмати маълум қилди. Хабар қилинишича, «Зангибойи» маҳалласи ҳудудидаги ошхоналарнинг бирида икки киши овқатланиб ўтирган. Паст Дарғом тумани «Бахшибойи» маҳалласида яшовчи, уларга олдиндан таниш бўлган Синдор, Асад, Рамзиддин, Камрон, Маъруф ҳамда Али исмли шахслар маст ҳолатда ҳеч бир сабабсиз бақир-чақир қилиб, уларни ёнига чақирган ва саломлашмаганини важ қилиб, жанжал кўтарган. Фото: Самарқанд вилояти ичи ишлар бошқармаси Вилоят ИИБ ЖҚБ Уюшган жиноятчиликка қарши кураш бўлими ходимлари томонидан олинган тезкор маълумотларга асосан, ҳодиса жойига ИИБнинг тезкор ходимлари ҳамда Тезкор вазифаларни бажарувчи сафарбар отряди ходимлари етиб бориб, барча шахслар ушланиб, жанжалнинг олди олинган. Фото: Самарқанд вилояти ичи ишлар бошқармаси Аниқланишича, тумандаги «Зангибойи» ва «Бахшибойи» маҳаллаларида яшовчи ушбу шахслар ўртасида олдиндан келишмовчилик бўлган. Ҳолат юзасидан ушбу жанжалга етакчилик қилган 6 нафар шахсга нисбатан Самарқанд вилояти ИИБ ҳузуридаги тергов бошқармаси томонидан Жиноят кодексининг 277-моддаси 2-қисми «б» банди билан жиноят иши қўзғатилиб, қамоққа олинган.