ПСЖ — Франция суперкубоги соҳиби! — Бизга қўшилинг: ???? https://t.me/joinchat/AAAAADwt0NGCRoONT4f1_Q
Франция Суперкубогидан ўрин олган ПСЖ - "Нант" учрашуви якунига етди. Унда парижликлар йирик 4:0 ҳисобида рақибдан устун келди. Учрашувнинг 22-дақиқасида рақиб посбони билан бирга-бир вазиятга чиқиб борган ПСЖ ҳужумчиси Лионель Месси уни алдаб ўтган ҳолда ҳисобни очди. Биринчи бўлимга қўшиб берилган дақиқаларда Неймар жарима зарбасини моҳирона ижро этиб, орадаги фарқни оширди. Иккинчи бўлимда эса стандарт вазият юзага келиши натижасида Рамос ҳисобни йирик кўринишга келтирди. 82-дақиқада Неймар пенальтини аниқ амалга ошириб, таблода 4:0 натижаси қайд этилишини таъминлади. Шу тариқа, парижликлар жорий мавсумдаги илк совринини қўлга киритди. ПСЖ – Нант 4:0 (2:0, 2:0) Голлар: 1:0 – 22 Месси, 2:0 – 45 Неймар, 3:0 – 57 Рамос, 4:0 – 82, пенальти Неймар. ПСЖ – Доннарумма, Хакими (Мукиеле, 78), Рамос, Маркиньос, Кимпембе, Мендеш (Бернат, 68), Верратти (Паредес, 78), Витинья (Данилу Перейра, 68), Сарабия (Калимуэндо, 84), Месси, Неймар. Нант – Лафон, Паллуа, Кастеллетто, Жиротто, Аппиа (Фабио, 78), Сиссоко, Чиривелья (Мохамед, 64), Блас, Коко (Мутуссами, 64), Саймон, Гессан (Коршья, 78). Огоҳлантиришлар: Витинья (16), Коко (38), Мутуссами (75). Четлатиш: Кастеллетто (81).