Абитуриентларнинг яримидан кўпи ўтиш балини ҳам тўпламагани юзасидан Халқ таълими вазирлиги муносабат билдирди
2022 йилги тест синовларида иштирок этган абитуриентларнинг 386 523 нафар ёки 24 фоизи жорий йилги мактаб битирувчиларини ташкил этади. 810 мингдан ортиқ ёки 76% абитуриентлар касб-ҳунар мактаблари, академик лицейлар битирувчилари ва энг асосий қисми олдинги йиллар давомида олий таълим муассасаларига қабул қилинмаган ёшлардан иборат.
2021 йилда битирувчиларнинг ўртача бали 2020 йилга нисбатан 69,8 балдан 74,9 балга ошган. Шунингдек, паст натижа кўрсатган (56,7 балдан кам) битирувчиларнинг улуши 13% ёки 35 232 нафарга камайган.
Жумладан, 2020 йилда 56.7 баллдан паст натижа кўрсатган битирувчи-ўқувчилар 138 780 нафар (46%)ни, 2021 йилда бу кўрсаткич 103 548 нафар (33%)ни ташкил этган.
Маълумот учун: 2022 йилги мактаб битирувчиларининг тест синовларида эгаллаган ўртача балл кўрсаткичлари октябрь ойида тўлиқ таҳлил этилиб жамоатчиликка етказилади.