Боғчада калтакланган аёл кейинчалик эри томонидан пичоқлаб ўлдирилгани айтилмоқда
Қуйи Чирчиқ тумани «Мевазор» маҳалласида яшаётган М.У.ни эри рашк туфайли пичоқлаб ўлдиргани айтилмоқда. Бугун бу оиланинг боғчадаги жанжали видеоси тарқалган эди. Бу ҳолат юзасидан Мактабгача таълим вазирлиги ўз муносатини билдирган ва жанжаллашганларнинг боғчага алоқаси йўқлигини таъкидлаганди.
Маълум бўлишича, ушбу аёл 25 август куни эри томонидан пичоқланган.
Айтилишича, 1998 йилда туғилган аёл поликлиникада ҳамшира бўлиб ишлаган.
Маълум қилинишича, оилавий келишмовчиликлар туфайли ота уйига кетиб қолган М.ни эри қидириб келади. М.нинг ота-онаси ҳам куёв ўзи келгани учун андиша қилиб, кўришишга рухсат беради.
Ғирт маст аҳволда бўлган эр эса аёл билан кўришган заҳоти бўйнига пичоқ тирайди ва уришиб, уни қийнаб азоблайди. Кейин ҳайвонни бўғизлагандек сўйиб ташлайди. Сўнг ўзи воқеа жойидан қочиб кетади.
Аёлнинг ота-онаси нима бўлганини англагунча кеч бўлади. Ота қизини машинага солиб, шифохонага олиб кетаётганда М. йўлда қийналиб жон беради.