Норбой Муаллим: "Ҳаммасини биргина қарор билан ҳал қилишмоқчи" — Бизга қўшилинг: ???? https://t.me/joinchat/AAAAADwt0NGCRoONT4f1_Q
Биз бошлаб берган челленжни бошқа ҳамкасбларимиз муваффақиятли давом эттирмоқда. Энди бу ҳаракатда бурилиш ясаймиз. Ҳозиргина бизга келган маълумотларга қараганда, бу иш билан шуғулланаётган томонлар воқеаларни ҳеч кимга батафсил ошкор қилмоқчи эмас. Афсуски, ҳозир вазият борасидаги тергов-суриштирув ишлари яхшигина олдинга силжиган. Шунга қарамай, бу жанжал бор-йўғи Кахи Махарадзенинг ўзбек футболидан четлатилиши билан якунланиши тобора ҳақиқатга яқинлашиб бормоқда. Агар шундай бўлса, БК ходими айтган бошқа футболчилар "сувдан қуруқ чиқиши" мумкин. Ўзи бундай "операция"ларни биргина футболчи билан амалга оширишнинг имкони йўқ. Улар шунчаки "заказ"ни бажариб берувчи "учинчи қўл". Бу каби учрашувларда иштирок этиш эвазига қўлга киритиладиган сумманинг жуда кичик қисми уларга келиб тушади. Букмекерлик компанияларидан ютиб олинадиган миллионларнинг эгаси бошқалар. Умид қиламизки, бизнинг тахмин ўзини оқламайди ва футболимиз кўзига тупроқ сочмоқчи бўлганлар ҳақида тўлиқ маълумотлар ошкор қилинади. Шу сўзларимга жуда ва жуда ишонгим келмоқда, бироқ "балиқ бошидан сасийди, аммо уни думидан тозалашади" деган мақол ёдимга тушиб кетди. Ишқилиб, адашаётган бўлай-да! Норбой Муаллим