Андижонда «Cobalt» ҳайдовчиси ЙПХ ходимини машина капотида судраб кетди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Андижон шаҳрида Cobalt ҳайдовчиси ЙПХ ходимининг талабларига бўйсунмасдан, уни машина капотида судраб кетди. Ҳолат акс этган видео ижтимоий тармоқларда тарқалди. Вилоят ИИБ матбуот хизматининг маълум қилишича, воқеа 15 сентябрь куни соат 21:58 да Андижон шаҳар Миллий тикланиш ва Амир Темур шоҳкўчалари кесишмасида юз берган. Шу ерда хизмат олиб бораётган ЙПХ инспектори ундан аввалги чорраҳада хизмат олиб бораётган инспектордан Cobalt ҳайдовчиси К.B. машина тўхтамай кетиб қолгани ҳақида олган хабарга кўра уни тўхташиш чорасини кўрган. pic.twitter.com/hyy7t0Um9G — Шухрат Раззаков (@ShuhratRazzakov) September 18, 2022 Ҳайдовчи унинг қонуний талабларига бўйсунмай, машинани унинг устига бостириб ҳайдаб кетган ва ўзини олиб қочишга улгурмаган ЙПХ ходими машина капоти устига осилиб қолган. Ҳайдовчи жойидан кескин қўзғалиши ҳамда хавфли манёвр билан ўнг томонга кескин қайрилиши оқибатида инспектор капотдан тушиб кетган. Оқибатда унинг қўл-оёғи шилинган, жезл ва алоқа воситалари синиб, шикастланган. Фуқаро К.B.га нисбатан Маъмурий жавобгарлик тўғрисидаги кодекснинг 194-моддасига (ички ишлар органлари ходимининг қонуний талабларини бажармаслик) асосан маъмурий баённома расмийлаштирилиб ва автомашина вақтинчалик жарима майдонига жойлаштирилган. Айни пайтда ҳолат юзасидан ИИВ ШХББ Андижон вилояти бўйича бошқармаси ҳамда Андижон шаҳар прокуратураси томонидан суриштирув ҳаракатлари олиб борилмоқда.