Энди ипотека кредитини тўлаш учун йўналтирилган маблағлар даромад солиғига тортилмайди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Ўзбекистон Республикаси президенти «Ипотека кредитидан фойдаланишда аҳолига қўшимча қулайликлар яратиш чора-тадбирлари тўғрисида»ги қарорни имзолади. Бу ҳақда Давлат солиқ қўмитаси хабар қилди. Унга кўра, 2023 йил 1 январдан бошлаб дастлабки бадалнинг ва ипотека кредити бўйича фоизларнинг бир қисмини қоплаш учун субсидия берилган фуқароларнинг уй-жойларни сотиб олиш, қуриш ёки реконструкция қилиш учун олинган ипотека кредитларини ҳамда улар бўйича ҳисобланган фоизларни тўлаш учун йўналтирилган иш ҳақи ва бошқа даромадлари жисмоний шахслардан олинадиган даромад солиғига тортилмайди. Ушбу имтиёз қарз олувчи ва биргаликда қарз олувчиларга бир солиқ даврида энг кам иш ҳақининг 80 бараваридан ошмайдиган даромади бўйича қўлланилади. Яъни ипотека кредитларини тўлаш учун ажратиладиган даромадларнинг умумий миқдори йилига 73,6 миллион сўмдан ошмаслиги керак. 2023 йилдан бошлаб ипотека кредити ҳисобига сотиб олинган, қурилган ва реконструкция қилинган мол-мулк унга бўлган ҳуқуқ давлат рўйхатидан ўтказилган санадан эътиборан 36 ой ичида бегоналаштирилганда, мазкур даромадлар белгиланган тартибда солиққа тортилади.