Сафарбарликдан қочиб Қозоғистонга келган россияликлар «шунчаки ўлиб кетишни» истамаслигини айтмоқда — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: «Ақ Жайиқ» Владимир Путин томонидан Россияда сафарбарлик эълон қилинганидан кейин кўплаб россияликлар Қозоғистонга ҳам қочиб ўтишни бошлади. Улар шунчаки ўлиб кетишни истамаслигини айтмоқда, деб ёзади Tengrinews. Россиядан келганларнинг айтишича, мамлакатда сафарбарлик эълон қилиниши билан улар дарҳол Қозоғистонга йўл олган, кейинги қадамлари ҳақида йўлда қарор қабул қилган, кўпчилиги оиласини уйда қолдириб келган. Уларнинг барчаси «сабабини тушунмасдан» ўлиб кетишни хоҳламаслигини айтмоқда. Россиядан келганлар ё Қозоғистонда бир муддат қолиб, шу ерда иш топишга уриниб кўришни ёки бошқа давлатларга кўчиб ўтишни режалаштирмоқда. Қозоғистонда россияликларнинг оқими туфайли, ижара уй-жой нархи ошиб давом этмоқда.