Россиядаги сафарбарлик: мамлакат бўйлаб ҳарбий комиссариат биноларига ўт қўйилмоқда — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Telegram / «Мы — Ломоносовцы» РФ президенти Владимир Путин 21 сентябр куни сафарбарлик эълон қилганидан кейин бутун мамлакат бўйлаб ҳарбий комиссариат ва маъмурият биноларига ўт қўйиш ҳолатларининг янги тўлқини бошланди. Ҳарбий комиссариатларга ўт қўйиш ҳолатлари 24 феврал куниёқ бошланган, уруш дастлабки ярим йилида Россияда камида 20 та ҳарбий комиссариат бинолари ёқиб юборилганди, энг кўп ҳолатлар май ойига тўғри келади; энди эса бунай ҳужум ҳолатлари кескин ўсди. Ҳарбий комиссариатлар Санкт-Петербург. 21 сентябр куни кечқурун Петербург таркибига кирувчи Ломоносов шаҳрида Ленинград области Ломоносов райони ҳарбий комиссариати биносида ёнғин содир бўлди. Ёнғин биринчи қаватдаги черковга тегишли бўлган хонада чиққан. Ёнғин майдони олти квадрат метрни ташкил этган. Ҳеч ким жабрланмаган. Нижний Новгород. 21 сентябр куни кечқурун Канавинский райони ҳарбий комиссариати биносига ўт кетди. Тахминларга кўра, биринчи қаватдаги деразалардан бири орқали «Молотов коктейли» улоқтирилган. Ёнғин майдони бир квадрат метрни ташкил этган, чақирув пунктидаги стоматология хонаси эшиги ва поли шикастланган. Жабрланганлар тўғрисида хабар берилмаган. Оренбург области. 22 сентябрга ўтар кечаси Гай шаҳрида ҳарбий комиссариат биносига кириш эшигига ёнувчи суюқлик сепилиб, ўт қўйиб юборилган. Ёнғин тезда ўчирилган, деворлардан бири шикастланган. Байкалорти ўлкаси. 22 сентябрга ўтар кечаси Кир қишлоғидаги ҳарбий комиссариат биносига ёнувчан суюқлик тўлдирилган бутилка улоқтирилган. ОАВ маълумотига кўра, ёнғин содир бўлмаган. Амур области. Свободний шаҳрида 23 сентябрга ўтар кечаси ҳарбий комиссариат биносига «Молотов коктейли» улоқтирилган, бутилка асфальтга тушган ва ёнғин чиқиб, бинонинг фасади зарарланган. Ҳеч ким жабрланмаган. Хабаровск ўлкаси. 23 сентябрга ўтар кечаси Хабаровскда Саноат районидаги ҳарбий комиссариат биносини ёнувчан модда тўлдирилган бутилка орқали ёқиб юбормоқчи бўлишди, ёнғин икки хонага тарқалган, жабрланувчилар бўлмаган. Красноярск ўлкаси. 24 сентябрга ўтар кечаси Канск шаҳрида шаҳар ҳарбий комиссариатини ёқиб юборишга уринган кекса ёшли киши қўлга олинди. Калининград области. 25 сентябрга ўтар кечаси Черняховскда ҳарбий комиссариат биносига ёнувчан модда тўлдирилган бутилка улоқтирилди. «Молотов коктейли» аланга олган, оловни ўчиришган. Област маъмуриятидагилар жиноятчилар «ҳарбий комиссариатга киришдаги ахборот табличкасини ёқиб юборишгани»ни маълум қилган. Полициячилар келгунича ўт қўйганлар қочиб кетган. Мордовия республикаси. 25 сентябр тонгида Рузаевка шаҳридаги ҳарбий комиссариат биносига дераза орқали иккита «Молотов коктейли»ни улоқтиришган. Хоналардан бирида ёнғин чиққан, ёнғин майдони бир квадрат метрни ташкил этган. Оловни ўт ўчирувчилар келгунича ўчиришган, ҳеч ким жабрланмаган. Ленинград области. 25 сентябр тонгида Кировск шаҳрида Ленинград области Киров райони ҳарбий комиссариати биносига ўт қўйилган. Ёнғин биринчи қаватдаги 10 квадрат метрлик хонани қамраб олган. Қўриқчилар ёнғинни ўчиришган. Волгоград области. 26 сентябрга ўтар кечаси, Baza маълумотига кўра, Урюпинск шаҳрида яшовчи 35 ёшли киши ҳарбий комиссариат биносига ёнувчан модда тўлдирилган бир неча бутилкани улоқтирган. Уни патрул қўлга олган. pic.twitter.com/yAx43Wjixd — Шухрат Раззаков (@ShuhratRazzakov) September 26, 2022 Иркутск области. 26 сентябр куи Усть-Илимск шаҳрида яшовчи 26 ёшли йигит ҳарбий комиссариат биносида ўт очиб, ҳарбий комиссарга оғир тан жароҳати етказди. Гумонланувчи қўлга олинди. Маъмурий бинолар («Единая Россия» партиясининг бир филиали ҳам) Самара области. 22 сентябрга ўтар кечаси Тольяттида шаҳар маъмурияти биноси айвони ва эшигига ўт кетди. Бинога «Молотов коктейли» улоқтирилгани тахмин қилинган. Ёнғин майдони 10 квадрат метрни ташкил этган. Волгоград области. 23 сентябрга ўтар кечаси Камишин шаҳри маъмурияти биносига «ёнувчан предмет» улоқтирилган. Шаҳар маъмурияти ёнғиндан етказилган зарар жиддий эмаслигини билдирган. Ўт қўйишда гумонланувчи қўлга олинган. 25 сентябр тонгида Волгоград яқинидаги Береславка посёлкасида санъат мактабини ҳам ўз ичига олган Береславка қишлоқ аҳоли пункти биносига ўт қўйилди. Бино тўлиқ ёниб кетган. Олтой ўлкаси. 23 сентябрга ўтар кечаси Целинное қишлоғидаги қишлоқ кенгаши биноси ҳам жойлашган маданият уйида ёнғин чиқди. Натижада «Россия почтаси» офиси буткул ёниб кетган, маъмурият хонасининг шифти ёнган. Жабрланувчилар йўқ. Ленинград области. 25 сентябрга ўтар кечаси Гатчинский районидаги Сяськелевское қишлоғи маъмурияти биносида ёнғин чиқди. Ижтимоий ҳимоя бўлими хоналаридан бирига ёнувчан модда тўлдирилган иккита бутилка улоқтирилган. Турли манбаларга кўра, ёнғин майдони 12 ёки 50 квадрат метрни ташкил этган. Жабрланганлар йўқ. Ўт қўйиш моддаси бўйича жиноий иш очилган. Бошқирдистон республикаси. 24 сентябр тонгида Салават шаҳрида «Единая Россия» партияси офиси ёнида автомобил шиналари ёқиб юборилган. Бино ичидан беш киши қочиб чиққан. Ҳодиса туфайли пластик эшик шикастланган, ҳеч ким жабрланмаган.