Укамни гўдаклигида холам эмизган... — Бизга қўшилинг: ???? https://t.me/joinchat/AAAAADwt0NGCRoONT4f1_Q
CАВОЛ: Укамни ёшлигида холам эмизганлар. Шунда холаваччаларим фақат укамга опа-сингил ё ака-ука бўлишадими? Ёки бизга ҳамми? Бу ўринда никоҳ масаласи қандай бўлади? ЖАВОБ: Холангизнинг қизлари укангизга эмикдош опа-сингиллар бўлиб, улар ўртасида никоҳ жоиз эмас. Сизнинг оилангиздаги укангиздан бошқа фарзандлар холангизнинг фарзандлари билан никоҳланиши жоиз. Чунки улар сут эмишган ака-ука, опа-сингил эмас. Бу мавзуда "Канзуд-дақоиқ" китобида шундай дейилади: "Ака (ёки ука)сининг эмикдош опа (ёки синглиси) унга ҳалол бўлади". Яъни, чақалоқ бегона бирор аёлни эмиш муддати (икки ярим йил) ичида эмган бўлса, у аёлнинг фарзандлари ўша эмган болага никоҳи ҳалол эмас. Лекин эмган боланинг ака-ука, опа-сингиллари эмизувчи аёлнинг фарзандлари билан никоҳланиши жоиз. Валлоҳу аълам. Манба: Ўзбекистон мусулмонлари идораси Фатво маркази