«Сурхон» қўриқхонасида фотоқопқон ноёб жонивор — манулни тасвирга олди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Давлат экология қўмитаси тасарруфидаги «Сурхон» давлат қўриқхонасига ўрнатилган фотоқопқон объективига ноёб жонивор ҳисобланган манул тушди. Бу ҳақда экоқўмита ахборот хизмати хабар қилди. Қайд этилишича, манул— камёб, кам ўрганилган кенжа тур. ТМХИнинг Қизил рўйхатига киритилган. Тарқалиши: Қизилқум чўлидан, Келес дарёсининг қуйи қисмидан, Сурхондарёнинг юқори оқимидан, Бойсунтоғ ва Кўҳитанг тоғидан аниқланган топилмалари орқали маълум. Бироқ Ўзбекистонга чегарадош ҳудудларда – Устюртнинг Қозоғистонга тегишли қисмида, Сирдарё бўйлаб Қизилқумнинг шарқий қисми ва Тожикистонда ҳам манулнинг учраши улар анча кенг тарқалганини тахмин қилишга имкон беради. Яшаш жойлари: Текис ёнбагирлар ва қояларга туташ кенг водийлар. Баландлиги денгиз сатҳидан 800—1500 метргача бўлган пасттоғлар ва чўл қолдиқ тоғлари. Сони: Ўтган асрнинг ўрталаридан бери Ўзбекистонда 10 мартача учрагани қайд қилинган. Ўзбекистонга туташ ҳудудларда ҳам табиатан кам сонли, саноқли даражада учрайди. pic.twitter.com/oJj3URY45N — Шухрат Раззаков (@ShuhratRazzakov) October 24, 2022 Ушбу жонивор ўтган асрнинг ўрталаридан бери Ўзбекистонда 10 мартача учрагани қайд қилинган. Ўзбекистонга туташ ҳудудларда ҳам табиатан кам сонли, саноқли даражада учрайди.