Истанбулдаги терактга алоқадорликда гумонланган аёл кўрсатма берди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Истанбул полиция бошқармаси Истанбулда 13 ноябрь куни юз берган терактга алоқадорликда гумон қилинган суриялик аёл, Аҳлам Албашир, кўрсатма берди. Бу ҳақда НТВ хабар берди. Аёлнинг кўрсатмасига кўра, Истиқлол кўчасидаги портлаш вақтида ёлғиз бўлмаган ва портлатиш учун буйруқ олган. Аҳлам Албашир кўчадаги ўриндиқда ўтирган пайти Курдистон Ишчилар партиясининг бошқа бир аъзоси, Ҳожи кодли террорчи, келиб уни суратга олгани, сўнг унга бомбани портлатиб юбориши буюрганини айтди. Таъкидланишича, портлашдан сўнг Аҳлам Албашир таксида кетмоқчи бўлган, бироқ у қўлга олинган. Аёл Туркияда тақиқланган Курдистон Ишчилар партияси (ПКК) билан алоқаси борлигини тан олган. Ҳозирда ҳужумга алоқадорликда гумон қилинганлар сони аллақачон 50 кишидан ошган. Эслатиб ўтамиз, 13 ноябрь куни Истанбулнинг марказий Беёғлу туманидаги пиёдалар учун мўлжалланган Истиқлол кўчасида портлаш содир бўлди. Олти киши ҳалок бўлди, 81 киши яраланди. Мамлакат расмийлари ҳодисани теракт сифатида баҳолади. Ўзбекистон президенти Шавкат Мирзиёев Истанбулда юз берган портлаш оқибатида кўплаб инсонлар қурбон бўлгани ва жиддий жароҳат олгани муносабати билан Ражаб Тоййиб Эрдўғонга таъзия йўллади.