77,7 млн. сўм миқдорида иш ҳақлари ундирилди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фуқаролик ишлари бўйича Яккасарой туманлараро судининг 04.10.2022 йилдаги ижро варақасига асосан қарздор “UZTEXTILE EXPORT” МЧЖдан ундирувчи И.Жуманиязов фойдасига мажбурий прогул вақти учун 77,7 млн. сўм иш ҳақи ундириш тўғрисидаги ижро ҳужжати 11.10.2022 йилда Бюронинг Яккасарой туман бўлими иш юритувига келиб тушган ва ижро иши қўзғатилган. Жамиятга собиқ ходим учун тўланмаган иш ҳақи миқдорини қоплаши лозимлиги огоҳлантирилган. Лекин қарздор корхона иш ҳақларини тўламай келгани сабаб Бюронинг туман бўлими томонидан мажбурий ижро ҳаракатларига киришилиб, натижада 22.12.2022 йилда ундирувчи собиқ ходим фойдасига 77,7 млн. сўм миқдоридаги иш ҳақи тўлиқ ундирилиб, Ўзбекистон Республикаси “Суд ҳужжатлари ва бошқа органлар ҳужжатларини ижро этиш тўғрисида”ги Қонуннинг 41-моддасига асосан тамомланган.