Дубайда Янги йил кечасида антиқа мушакбозлик уюштирилди (видео) — Бизга қўшилинг: ???? https://t.me/joinchat/AAAAADwt0NGCRoONT4f1_Q
Бирлашган Араб Амирликларининг Дубай шаҳрида Янги йил муносабати билан катта мушакбозлик ва лазер шоу дастури ўтказилди. Бу ҳақда "Emaar Dubai" хабар берди. Қайд этилишича, анъанага айланган мушакбозлик учун бу сафар 180 тонна пиротехника воситасидан фойдаланилган. Ташкилотчилар лазер шоуси ва Янги йил мушакларини Дубай фавворасининг мусиқий рақси билан боғлашди. Дубай полициясининг маълум қилишича, мушакбозлик кунида хавфсизлик чоралари кўрилган. Жумладан, мушакбозлик ўтган жойларда жами 10 597 зобит, 5 800 қўриқчи, 1 420 кўнгилли, 3 651 патрул ва транспорт воситалари ҳамда 45 денгиз қайиғи жойлаштирилган.