Байден журналистлардан қочиб кетди
АҚШ президенти Жо Байден Капитолийдаги тартибсизликларнинг икки йиллиги муносабати билан Оқ уйда нутқ сўзлаганидан сўнг ташқарида турган журналистлардан қочиб кетди, дея ёзмоқда «Zamon.uz».
ОАВ ходимлари президентнинг орқасида бақирганича қолган. Байден матбуот билан суҳбатлашиш ўрнига, дам олиш кунлари Делаверга тезроқ етиб бориш учун вертолётга чиқишни афзал кўрган, дейилади хабарда.
Бу Америка президентининг оммавий ахборот воситаларининг саволларидан атайлаб қочиши билан боғлиқ биринчи ҳолат эмас..
Бундан ташқари, президент дам олиш кунларини Делаверда ўтказиш одати учун кўп танқидларга учради. CNN маълумотларига кўра, Байден ўзидан олдинги президент Доналд Трампга қараганда кўпроқ дам олади ва муддатининг чорак қисмини оилавий қароргоҳда ўтказди. Республикачилар эса президент вақтининг 40 фоиздан ортиғи таътилда бўлганини таъкидламоқда.