Франция футбол федерацияси президенти Зинедин Зидандан узр сўради — Бизга қўшилинг: ???? https://t.me/joinchat/AAAAADwt0NGCRoONT4f1_Q
Коллаж: РМC Франция футбол федерацияси президенти Ноэл Ле Гре Зинедин Зидандан кечирим сўради. «Зидандан узр сўрайман. Менинг гапларим Зинединнинг қандай футболчи ва мураббий бўлганига муносабатимни билдирмайди. Мен РМC'га интервью бердим, аслида бундай қилмаслигим керак эди. Чунки у баҳс-мунозарани қўзғамоқчи ва Дидье Дешамни Зинедин Зиданга қарши қўймоқчи бўлди. Улар француз футболининг икки устуни кабидир. Тан оламан, тушунмовчилик келтириб чиқарадиган ёқимсиз сўзларни айтдим. Зиданнинг ўзи ҳам худди француз халқи каби унга нисбатан чексиз ҳурмат билан қарашимни билади», — дейди ФФФ президенти. Аввалроқ ФФФ президенти Ноэл Ле Гре Зиданнинг Франция терма жамоаси бош мураббийи бўлиши мумкинлиги ҳақидаги хабарлар юзасидан берилган саволга кескин жавоб берганди. «ПСЖ» ҳужумчиси Килиан Мбаппе эса Франция футбол федерацияси (ФФФ) раҳбарининг Зинедин Зидан ҳақидаги гапларига муносабат билдирди. Франция спорт вазири эса Ле Грени Зидандан узр сўрашган чақирганди.