Хитойда пора олган амалдор ўлимга ҳукм қилинди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Фото: Express Хитойнинг Чанчун шаҳар суди хавфсизлик вазирлигининг партия қўмитаси собиқ аъзоси, собиқ генерал-майор Лью Янпинни икки йиллик муҳлат билан ўлим жазосига ҳукм қилди. Бу ҳақда Epoch Times хабар берди. Амалдор умумий қиймати 234 миллион юань (тахминан 34,5 миллион доллар) миқдорида пора олганликда айбдор деб топилган. Суд 2001 йилдан 2022 йилгача Лью Янпин учинчи шахсларга бизнес ва турли ишларни ҳал қилишда ноқонуний ёрдам берганини аниқлади. Бу давр мобайнида у 234 миллион юанлик нақд пул ва қимматбаҳо совғалар олган. Лью Янпин сиёсий ҳуқуқларидан маҳрум қилинади, унинг барча мол-мулки ва ноқонуний йўллар билан орттирилган даромадлари мусодара қилинади ва давлат ғазнасига ўтказилади. Амалдор Хитой Жамоат хавфсизлиги ва Миллий хавфсизлик вазирлигида турли лавозимларда ишлаган. Охирги ўн йил ичида у Хитой жамоат хавфсизлиги вазири ўринбосари лавозимида фаолият юритган, шунингдек, вазирликнинг тартиб-интизом комиссиясига раислик қилган. Аввал ҳам Хитойда 117 миллион юань (қарийб 16,5 миллион доллар) пора олган собиқ вазир ўлим жазосига ҳукм қилинганди.