Нега грипп ёки тумов вақтида кўз ёшланади?
Шифокор Зуҳриддин Баҳриддинов:
-Кўз ёшланиши гиперсекретор ҳамда ретенцион турларга ажратилади.
– Гиперсекретор жараён кўз ёш суюқлигининг меъёрдан ортиқ ишлаб чиқарилиши бўлса, ретенцион тури кўз ёш йўллари ўтказувчанлигининг бузилиши билан характерланади.
– Грипп юқтириб олинган вақтда эса ретенцион кўз ёшланиши юзага келади. Бурун битганда кўз ёш йўлининг бурун бўшлиғига очилувчи канали ёпилиб қолади. Шу сабабли кўздан ёш оқади.
– Бурун битишини олдини олиш орқали бевосита кўздан ёш оқишини ҳам тўхтатишингиз мумкин. Агар жараён кўзларнинг қизариши ёки қичишиши билан кечса шифокор окулист кўриги зарур бўлади.
«Соғлом ҳаёт»