“Рома” мухлислари Шомуродов ҳақида нималар деганини биласизми? — Бизга қўшилинг: ???? https://t.me/joinchat/AAAAADwt0NGCRoONT4f1_Q
Элдор Шомуродов ўзи бир ярим йил ўйнаган “Рома”ни вақтинчаликка бўлса-да тарк этди. Легионеримиз мавсумни “Специя” сафида якунлаб қўяди. Ёзда келажаги ҳақида бемалол бош қотиришига имкон ҳам, вақт ҳам бўлади. Келаси мавсумни балки “Рома”да ёки умуман бошқа жамоада бошлар. Бунисини вақт кўрсатади. Рим клуби мухлислари Элдор Шомуродовнинг бошқа жамоага ўтганини ижтимоий тармоқларда кенг муҳокама қилмоқда. Sports.uz портали эътиборингизга «Рома» мухлисларининг фикр-мулоҳазаларидан бир қисмини ҳавола қилади. Sor Pasquinо: Шомуродов сен “Рома”да кам ўйнаган бўлсангда, ҳақиқий профессионаллигинг ва садоқатинг билан мухлислар меҳрини қозондинг. Ҳеч қачон тортишмаслигингга қойил қолдик. “Специя” учун камида 15 та гол уриб, ҳақиқий маҳоратингни кўрсата олишингни тилаб қоламиз. Dove sta Josè: Шомуродов “Специя”ни мусобақада хавфсиз зонага олиб чиқади... Nonoseimoltomejote: “Рома”да 48 та учрашувда 6 та гол. Энди у “Специя”да бир жуфт хет-трик қилиши ва ундан юқори марраларни кўзлаши мумкин. Sor Pasquinо: Шомуродовнинг ўйин вақтини ҳам инобатга олиш керак. Бу мавсум жами 150 дақиқа ўйнади ва баҳс охирида майдонга тушди. Андреа Белотти эса, 682 дақиқани исроф қилди-ку. Giannis1: Энди Шомуродовни кўпроқ кузатиш имконияти пайдо бўлгани менга ёқяпти. Нега уни “Кремонезе” каби жамоаларга қарши ҳам ўйнатишмаганини ҳеч тушунмадим... Franco65: 20 миллион евро ҳавога учди. Бунинг устига Белотти ҳам фойда келтиргани йўқ, Абрахам учун тўланган 40 миллион ҳам ўзини оқламади... Sor Pasquinо (Franco65 фикрига жавобан): Ҳеч нарса ҳавога учгани йўқ. Шомуродов ҳамон “Рома” футболчиси. Ижарада ўзини кўрсатиб, яна ортга қайтади. Пулини оқлайди, балки фойда ҳам келтирар. Miguel: Элдорга омад. У кам ўйнаган бўлса-да, “Рома”га алоқаси йўқ, дейишга тилим бормайди. Қани, олға! Asterix: Элдор, бу сенга яна бир имконият. Қарши ҳужумда ўйнайдиган жамоада яна ўзингни кўрсата олишингга ишонаман. Michele: Менимча, у молиячиларнинг турли операциялари қурбони бўлди. Футбол ўйнай олишини кўрсатади, ҳали. Vinz71: Камтарона клубда Элдорнинг ишлари юришиб кетишига умид қиламиз. Pietro Parchi: Олға, Элдор! Vis Romae: Шомуродовнинг олти ойлик ижараси бизга 1,5 миллион евро келтирмоқда. “Милан” эса Дзаньоло ижараси учун 600 минг евро таклиф қилганди...