Фил лақабли суғур баҳор қачон келишидан дарак берди — Бизга қўшилинг: ???? https://t.me/joinchat/AAAAADwt0NGCRoONT4f1_Q
АҚШда бу йил баҳор кечикади. Бугун, 2 феврал куни паксатонилик (Пенсилвания, АҚШ) Фил лақабли суғурнинг хатти-ҳаракатларига қараб шундай башорат қилишди. Эрта тонгда инидан мўралаган суғур ўз соясидан чўчиб, қайтиб кириб кетган. Айтишларича, бу кунлар исишини кутишга эрталигини, қиш яна олти ҳафтага чўзилишини англатади. АҚШ ва Канадада 2 феврал анъанавий тарзда «Суғур куни» сифатида нишонланади. Шу куни суғурларга қараб қиш узоқ чўзилиши ёки баҳор эрта келишини билиб олишади. Агарда жонивор 2 феврал тонгида инидан чиқишда ўз соясини кўриб, ортига қайтиб кириб кетса, қиш яна бир ярим ойга чўзилади. Аксинча, суғур ўз соясидан чўчимай ташқарига чиқса, баҳор эрта келишидан дарак. Маълумотларга кўра, Шимолий Америкада «Суғур куни»ни Германиядан кўчиб келганлар — пенсилваниялик немислар урфга киритишган. Билл Мюррей бош ролни ўйнаган «Суғур куни» (реж.: Гаролд Рэмис) филмидан сўнг «суғурга қизиқувчилар ва ишонувчилар» кўпайиб кетган.