Россиялик олим Амир Темур ҳақидаги монографияси учун Ўзбекистон Давлат мукофоти билан тақдирланди
Ўзбекистоннинг Москвадаги элчихонасида фан ва техника соҳасидаги иккинчи даражали Ўзбекистон Давлат мукофотини топшириш маросими бўлиб ўтди. Иқтисодиёт фанлари доктори, Ломоносов номидаги Москва давлат университети Мураккаб тизимларни математик тадқиқотлар институти стратегик тадқиқотлар маркази директори Владимир Квинт, “Амир Темурнинг стратегик етакчилиги: Кодексга шарҳлар” монографияси муаллифи ушбу мукофотга сазовор бўлди.
Квинт Ўзбекистон илм-фани, адабиёти ва санъати ривожига қўшган улкан ҳиссаси, шунингдек, мамлакат тараққиётида катта аҳамиятга эга бўлган фундаментал илмий асарлар яратгани учун давлат мукофоти билан тақдирланди.
“Амир Темур тузуклари, аслида низомлар тўплами таҳлилидир. Беш йилдан ортиқ вақтдан буён амалга оширган меҳнатим юксак баҳоланганидан фахрланаман. Бу китобни ёзаётганда ҳайратда қолдим, Амир Темур даҳо, деган сўзлар билан бошладим”, – дейди ўз навбатида рус олими.