Сейсмолог олим Туркиядаги зилзилани уч кун олдин башорат қилган
Аввал хабар қилганимиздек, Туркиянинг жануби-шарқида, Сурия билан чегара яқинида 7,4 баллик кучли зилзила юз берди. Шунингдек, зилзила Туркиядан ташқари Сурия, Кипр ва Ливанда ҳам кўплаб вайронгарчиликларни ва қурбонларни олиб келди.
Айни пайтда маълум бўлишича ушбу юқори баллик зилзила ҳақида аввалроқ прогноз қилинган. Жумладан, нидерланд сейсмолог олими Франк Ҳогербитс ўзининг твиттер саҳифасида Туркиянинг жануби-шарқи, унга қўшни Сурия, Иордания ва Ливан билан чегарадош ҳудудларида яқин кунларда 7.5 магнитудалик кучли зилзила бўлишини воқеадан уч кун олдин прогноз қилган.
Туркиядаги бугунги силкинишлар харитаси эълон қилинди. Америкалик олимларнинг фикрича, энг катта магнитуда 7,8 ни ташкил қилган. 30 га яқин ерости силкинишлари қайд этилган.