Қарздорликни ундириш давлат ижрочилари зиммасидаги вазифа
Жорий йилнинг 22 февраль куни YouTube ижтимоий тармоғида давлат ижрочилари томонидан фуқаро Х.Аллакулов билан боғлиқ ижро ҳаракатлари олиб борилганлиги ҳақидаги лавҳа жойлаштирилди.
Мажбурий ижро бюросининг Юнусобод туман бўлими иш юритувида:
– Фуқаролик ишлари бўйича М.Улуғбек туманлараро судининг
17.01.2023 йилдаги ижро варақасига асосан қарздор Аллақулов Хидирназардан даъвогар Рузиев Бахтиёр Мустафакулович фойдасига 283.550.000 сўм ундириш;
– Олтинсой туман маъмурий судининг 11.12.2019 йилдаги қарздор Аллакулов Шохзод Хидирназаровичдан ундирувчи давлат фойдасига 1.115.000 сўм маъмурий жарима ундириш;
– Юнусобод туман маъмурий судининг 10.07.2020 йилдаги
қарздор Ш.Х.Аллакуловдан ундирувчи давлат фойдасига 3.345.000 сўм маъмурий жарима ундириш тўғрисидаги ижро ишлари мавжудлиги аниқланди.
Ушбу ижро ишлари бўйича қарздорлар (ота ва бола) Тошкент шаҳар, Юнусобод тумани, 9-даҳа, 6-уйдаги хонадонларнинг бирида бирга яшашлиги учун қарздорликни ундириш бўйича ижро ҳаракатлар олиб борилган.
Жумладан, жорий йилнинг 20 февраль куни давлат ижрочилари холислар иштирокида, қарздорлар яшайдиган хонадонга борилиб, фуқаро Х.Аллакулов қарздорликни ихтиёрий 15 кунлик муддат ичида тўланиши лозимлиги ҳақида огоҳлантирилган.
Шунингдек, унинг ўғли Ш.Аллакулов томонидан тегишли барча маъмурий жарималар ундирилган ҳамда шу куни унга нисбатан ижро иши тамомланган.