«Одам савдосига қарши кураш» йўналиши бўйича қўлланма ишлаб чиқилади
Жорий йилнинг 23-24 февраль кунларида БМТ Наркотиклар ва жиноятчилик бўйича бошқармасининг Маркази Осиёдаги минтақавий ваколатхонаси томонидан режалаштирилган «Одам савдосига қарши кураш» бўйича миллий ва хорижий экспертлар иштирокидаги ишчи гуруҳнинг навбатдаги сессияси ўз фаолиятини бошлади.
Ушбу сессияда гуруҳ томонидан «Одам савдосига қарши кураш» йўналиши бўйича қўлланма ишлаб чиқади. Ишчи гуруҳ таркибига Ўзбекистон Республикаси Олий суд, Судьялар олий кенгаши, Судьялар олий мактаби, Бош прокуратура ва ИИВнинг турли хил хизмат вакиллари жалб қилинган.
Келгусида ушбу қўлланма Ўзбекистон Республикасида ҳуқуқни муҳофаза қилувчи органларининг (ИИВ, Суд, прокуратура) ходимларини семинар-тренинг, қисқа муддатли ўқув курсларида ўқитишга хизмат қилади.