Самарқандда ўқувчиларга яроқсиз доскада дарс ўтилгани аниқланди
Самарқанд вилояти Булунғур туманидаги 13-мактабда ўқувчиларга яроқсиз доскада ва таъмирталаб хонада дарс ўтилаётгани аниқланди. Вилоят ХТБ ҳолат юзасидан муносабат билдирди.
Қайд этилишича, 13-умумтаълим мактабининг 3 та биноси мавжуд бўлиб, 1-бино 1972 йилда қурилган, 2- бино 2005 йилда ҳашар йўли билан қурилган, 3-бино эса 2018 йилда инвестиция дастури доирасида барпо этилган. Мактаб 2021 йилда жорий таъмирдан чиққан.
“Ижтимоий тармоқларда сурати тарқалган доска дарз кетган сурати мактабнинг физика фани ўқитувчиси томонидан 3 март куни муаммони бартараф этиш мақсадида мактаб ўқитувчилари гуруҳига юборилган. Айни дамда мактабдаги яроқсиз доска янгисига алмаштирилган”, — дейилади хабарда.