«CLICK» иловаси билан боғлиқ фирибгарлик фош этилди
Наманган шаҳрида яшовчи 1987 й.т. М.В. ИИБга ариза билан мурожаат қилиб, онаси Ф.С.га тегишли бўлган банк картасидан 5.000.000 сўм пуллар номаълум шахс томонидан ечиб олинганлигини билдириб, унга нисбатан қонуний чора кўришликни сўраган.
Олиб борилган тезкор-қидирув тадбирлари натижасида, пулларни ўзлаштирган шахс, 2008 й.т. Наманган шаҳрида яшовчи вояга етмаган А.Ё. жабрланувчининг қўл телефонига ўрнатилган «CLICK» иловасига иккинчи аккаунт сифатида улаб олиш орқали бошқариш хуқуқини қўлга киритиб, банк картасидаги пулларни ўз эҳтиёжлари учун ишлатиб юборганлиги аниқланди.
А.Ё.га нисбатан ЎзР. ЖКнинг 169-моддаси 3-қисми билан жиноят иши қўзғатилиб, тергов ҳаракатлари олиб борилган.