Навбаҳор Ҳамидова жаҳон чемпионати совриндори!
Ҳиндистон пойтахти Нью-Дели шаҳрида аёллар бокси бўйича жаҳон чемпионати ўз якунига етди.
Унда иштирок этган Ўзбекистон терма жамоаси аъзоси Навбаҳор Ҳамидова бронза медали билан тақдирланди.
-66 кг вазн тоифасида юртимиз шарафини ҳимоя қилган Ҳамидова 1/4 финалда Имане Хелифга имкониятни бой берган эди. Аммо кейинчалик жазоирлик боксчи дисквалификация қилинди ва унинг ўрнига Навбаҳор ярим финалчи сифатида қайд этилди.
Шу тариқа, боксчи қизларимиз кетма-кет иккинчи бор дунё биринчилигини медаль билан якунлашди.