Эрдоған Bayraktar Kizilelma дронининг суратини намойиш этди
Туркия президенти Ражаб Тоййиб Эрдоған ўзининг Twitter’ида Bayraktar Kizilelma дронини суратини жойлаштирди.
Президентнинг сўзларига кўра, Шимолий Кипрда учувчисиз самолётларнинг жойлаштирилиши АҚШнинг Кипрга қурол-яроғ етказиб бериш эмбаргоси ҳаракатларига жавобдир.
Шунингдек, у Туркия ҳарбий-ҳаво кучларининг самолётлари керак бўлса, тезда орол шимолига етиб боришини қўшимча қилди.
Аввалроқ Эрдоған Анқаранинг энди Афина билан гаплашадиган ҳеч нарсаси йўқлигини айтган эди. Туркия «Европа Иттифоқи Грецияни жамият бирдамлиги баҳонасида ноқонуний ташаббусларини қўллаб-қувватлаш ўрнига икки томонлама мулоқотга таклиф қилишини» кутмоқда.