Александр Вучич Сербия прогрессив партияси раҳбари лавозимидан кетишини маълум қилди
Сербия президенти Александр Вучич якшанба куни ҳукмрон Сербия прогрессив партияси (СПП) раҳбари лавозимидан кетишини маълум қилди, дея хабар берди Politico.
Якшанба куни бўлиб ўтган матбуот анжуманида Вучич тез орада СПП раҳбари лавозимини тарк этишини эълон қилди ва 26 май куни Белграддаги партия митингида ўз қарорини тушунтиришга ваъда берди.
Сербия президентининг сўзларига кўра, бу партия қурултойи Сербия тарихидаги энг йирик қурултой бўлади. У, шунингдек, оммавий норозиликлар туфайли муддатидан олдин умумхалқ сайлови ўтказилишини ҳам истисно этмади. Унга кўра, парламент сайловларида овоз бериш сентябрдан кечиктирмай ўтказилади. Нашрнинг қайд этишича, бу тўрт йил ичида учинчи сайлов бўлади.