Марказий разведка бошқармаси раҳбари Хитойга яширинча ташриф буюрган
АҚШ Марказий разведка бошқармаси директори Уилям Бернс расмийлар билан суҳбатлашиш учун май ойида Хитойга яширин сафар қилган, деб ёзади Финанcиал Тимес бешта манбага таяниб.
Ташриф давомида Бернс Хитой разведкаси вакиллари билан учрашди, дея хабар беради манбалар. Қайд этилишича, Уилям Бернснинг сафари АҚШнинг Хитой билан дипломатик муносабатлар ўрнатиш истаги билан боғлиқ. Худди шу мақсадда, деб ёзади газета, Вашингтон АҚШ Давлат котиби Энтони Блинкеннинг Пекинга ташрифини давом эттиришга ҳаракат қилмоқда. Январ ойи охирида АҚШ осмонида Хитой шари билан содир бўлган воқеа туфайли унинг сафари бекор қилинган эди.
Америкалик мулозимнинг айтишича, Уилям Бернс бошқа нарсалар қаторида хитойлик ҳамкасбларини разведка каналлари орқали очиқ алоқа линияларини сақлашга чақирган.
Бир манбанинг айтишича, Марказий разведка бошқармаси директорининг дипломатик сафарларининг афзаллиги уларнинг тўлиқ махфийлигидир. Бундан ташқари, у Бернснинг турли мамлакатлар разведка хизматлари билан мустаҳкам алоқаларига ишора қилди.