АҚШлик фуқаро Рубик кубигини 3,13 сонияда йиғиб, жаҳон рекордини янгилади
АҚШлик Макс Парк Рубик кубигини йиғиш тезлиги бўйича янги жаҳон рекордини ўрнатишга муваффақ бўлди. 3х3х3 диагоналли машҳур ўйинчоқни йиғиш учун у атиги 3,13 сония вақт сарфлади. Бу ҳақда mir24.tv хабар берди.
Рекорд ўрнатишдан олдан у роса машқ қилди. Шундан сўнг, у ўзига керак бўлган жумбоқни диққат билан ўрганди ва уни тезда ҳал қилиш йўлини ишлаб чиқди. Бир неча сония ичида кубикни йиғишга эришилди.
Бунгача 3х3х3 ўлчамдаги Рубик кубигини йиғиш бўйича жаҳон рекорди хитойлик Ду Юйшэнга тегишли эди. Беш йил аввал у кубикни 3,47 сонияда йиққан эди. Ўтган йилнинг кузида Макс Парк бешта 3х3х3 ўлчамдаги кубикни йиғиш бўйича жаҳон рекордчисига айланганди.