Навоийда маст ҳайдовчи спиртли ичимликлар дўконига машинада «кириб борди» — Бизга қўшилинг: ???? https://t.me/joinchat/AAAAADwt0NGCRoONT4f1_Q
Жорий йилнинг 14 июлидан 15 июлига ўтар кечаси тонгги 3-30ларда бухоролик 37 ёшли фуқаро «Nexia-3» машинасида Навоий шаҳри кўчаларида йўл ҳаракати қоидаларини бир неча бор қўпол тарзда бузиб ўтгани кузатув камераларига муҳрланган.
Шунингдек, у Кармана тумани ҳудудидан ўтган халқаро аҳамиятга эга М-37 автомобил йўлининг чорраҳасида светафорнинг қизил чироғида ўтиб, «Cobalt» билан тўқнашган.
Бу ҳам етмаганидек, юқори тезликда ҳаракатланган ҳайдовчи бошқарувни йўқотиб, шу атрофда жойлашган спиртли ичимликлар сотиладиган дўконга бориб урилади.
Ҳолатга аниқлик киритиш мақсадида воқеа жойига етиб борган ЙПХ ходимлари ҳайдовчини алкотестер текширувидан ўтказишади. Натижа эса ҳайратланарли — у ғирт маст ҳолатида экани аниқланади. Ажабланарлиси, автомобилда унинг оила аъолари ҳам бўлган.
Нафақат ўзининг, яқинларининг ҳаётини ҳам ўйламаган ҳайдовчига нисбатан тегишли тартибда чора кўрилиб, ҳужжатлар суд идораларига юборилган.
[/allow-turbo] Жамият Shuhrat Tue, 18 Jul 2023 12:51:21 +0500