Избосканда 7 та комбайн хатлангач, 2 млрд.сўм кредит қарздорлик бир кунда тўланди
Тарафларнинг шартнома шартларига амал қилмаслиги белгиланган тартибда жавобгарликни келтириб чиқариши билан бирга, шартноманинг муддатидан олдин бекор қилинишига олиб келади. Банкдан олинган кредит қарзини ўз вақтида тўламаганлиги учун банк ҳам мижоз билан тузилган шартномани белгиланган вақтдан илгари бекор қилинишини сўраши мумкин.
Иш ҳужжатларига кўра, Избоскан туманлараро иқтисодий судининг ижро варақасига асосан “Селхоз агро МТП” МЧЖ ҳисобидан АТБ Агробанк фойдасига муддати ўтган 1 млрд 267 млн. сўм, муддати келмаган 833 375 332 сўм кредит қарздорлигини ундириш ва ундирувни 7 та комбайнларга қаратиш белгиланган.
Мазкур ижро иши Бюронинг Избоскан туман бўлими иш юритувига келиб тушгач, ижро иши юритиш қўзғатилиб, қарздор жамият вакиллари огоҳлантирилган. Шунингдек, қарздорликни тўлашлари зарурлиги тушунтирилган.
Ижро ҳаракатлари давомида қарздор жамиятга тегишли 7 та комбайн хатлаб қўйилган.
Шундан сўнг, қарздор жамият кредит қарзларини тўлалигича бартараф этган.