Туркиянинг Гаагадаги элчихонаси олдида Қуръон саҳифалари йиртиб ташланди
“Пегида” исломга қарши ҳаракати раҳбари Туркиянинг Гаагадаги элчихонаси олдида Қуръон билан митинг ўтказди.
Эдвин Вагенсвелд ислом Голландия жамияти учун хавф туғдираётганини айтиб, шу муносабат билан Қуръон саҳифаларини йиртиб ташлаш акциясини уюштирган. Аввалроқ бир неча мусулмон гуруҳлари Гаага меридан “нафрат уйғотувчи” акцияни тақиқлашни сўраган, унга Ян ван Заҳнен мамлакат Конституциясида мустаҳкамланган сўз ва намойишлар эркинлигини тақиқлай олмайман, деб жавоб берган эди. Натижада бир неча юзлаб мусулмонлар акция ўтказиладиган жойга етиб келган, кичик жанжал келиб чиққан, полиция томонидан тезда тўхтатилган. Шу йилнинг январ ойида Вагенсвелд шунга ўхшаш ҳаракатни амалга оширди.