«Истанбулда 1,5 миллион хонадон аҳолиси зилзилага чидамли уйларга кўчирилади»
Туркия ҳукумати Истанбулдаги 1,5 миллионга яқин хонадон аҳолисини зилзилаларга чидамли уй-жойларга кўчиришни режалаштирмоқда, деб ёзди ТАСС.
“Туркияни зилзилаларга чидамли давлатга айлантириш борасидаги ишимизда Истанбул ва Мармара денгизига алоҳида урғу берамиз. Истанбулга келсак, ҳозир биз 1,5 миллионга яқин хонадонни зилзилага чидамли уй-жойларга кўчиришни режалаштирмоқдамиз. Вақтни беҳуда ўтказишга ҳожат йўқ”, — деган Эрдўғон.
Расмийлар, шунингдек, режалаштирилган Истанбул сунъий юк ташиш каналининг ҳар икки томонида 500 минг кишилик сунъий йўлдош шаҳар қуриш ниятида.
Туркиянинг Атроф-муҳит, урбанизация ва иқлим ўзгариши вазири Меҳмет Ожасеки Истанбулда 6 миллион уй борлигини ва уларнинг ҳар ўндан бир қисми зилзила бўлганда вайрон бўлиши мумкинлигини айтди.
Эслатиб ўтамиз, 2023 йилнинг 6 февралида Туркия жануби-шарқида ва Сурия шимолида 7,8 ва 7,5 магнитудали кучли зилзилалар содир бўлиб, ҳар икки мамлакатда 60 мингга яқин одам ҳалок бўлди.
Туркияда вайронагарчилик кўлами шаҳарсозлик стандартлари ва ишлаб чиқарувчиларнинг масъулияти ҳақидаги мунозараларни кучайтирди, табиий офатдан кейин қурилиш бизнеси вакилларини ҳибсга олиш бошланди. Июль ойи ўрталарида 350 киши ҳибсга олинган.