Ичимлик суви нархлари қимматлайдими?
Ижтимоий тармоқларда Ўзбекистонда эртадан ичимлик ва оқова сув нархлари 2 баробар қимматлаши ҳақида хабарлар тарқалган эди.
Жумладан, ичимлик суви нархлари (1 метр куб) аҳоли учун 750 сўмдан 1500 сўмгача кўтарилиши айтилган. Мазкур ҳолат бўйича «Ўзсувтаъминот АЖ» расмий муносабат билдирди.
Унда айтилишича, ушбу хабарлар асоссиз ҳисобланиб, ичимлик ва оқова сув нархлари ҳозирча фақат Андижон вилоятида оширилиши белгиланган ва бу қарор эълон қилинган кундан бошлаб 15 кун ўтгач кучга киради.