«Ҳизбуллоҳ» ХАМАС кучлари тарафдори эканлигини расман эълон қилди
Ливандаги «Ҳизбуллоҳ» партияси Ғазо сектори ва бошқа ҳудудлардаги Фаластин штаб-квартираси билан тўғридан-тўғри алоқада эканлигини ва уларнинг ҳаракатлари қонуний эканини айтди, деб хабар берди Ал Маядеен телеканали.
Партия Хамас томонидан Исроилга қарши бошланган курашини «кенг кўламли қаҳрамонлик операцияси» деб атади. Баёнотда таъкидланишича, Фаластин қаршилик жангчиларининг «Исроил ҳукумати ва кўчманчилар жиноятларига жавобан» ҳаракатлари мутлақо қонунийдир. «Ҳизбуллоҳ» араб давлатлари халқини ҳам Фаластин халқини қўллаб-қувватлашга чақирди.
Баёнот матнида «Ҳизбуллоҳ»нинг қуролли қаноти фаластинликлар ва Исроил армияси ўртасидаги тўқнашувларни диққат билан кузатаётганига ишора қилади.
Эслатиб ўтамиз, 7 октябрь куни Ғазо ҳудудини назорат қилиб келаётган ҲАМАС ҳаракати Исроил ҳудудида кенг кўламли уруш ҳаракатларини бошлади. ХАМАС ҳаракати маъмурияти операция Исроилнинг Ал-Ақсo масжидидаги “қизил чизиқлар”ни бир неча бор бузганига жавоб эканини маълум қилган.
Исроилда фавқулодда ҳолат эълон қилинди. Мамлакат мудофаа кучлари (ИДФ) ХАМАСга қарши “Темир қиличлар” операциясини бошлади.
Вазиятнинг кескин кучайиши муносабати билан Ўзбекистоннинг Исроилдаги элчихонаси Консуллик бўлими мазкур мамлакатда бўлиб турган Ўзбекистон фуқароларидан барча зарур эҳтиёт чораларини кўришни сўраган эди.