АҚШ Ўзбекистон ва Тожикистон фуқароларига виза бериш талабини кучайтириш чоралари изламоқда
АҚШ ҳукумати Европа Иттифоқидан Ўзбекистон ва Тожикистон фуқаролари учун штатларга транзит визалари жорий этишни талаб қилмоқда, деб хабар бермоқда Bloomberg ўз манбаларига таяниб.
Таъкидланишича, Жо Байден маъмурияти европаликларга “эҳтимолий террорчиларнинг АҚШ ҳудудига кириб келишининг олдини олиш” доирасида “Марказий Осиёнинг айрим давлатларидан келган саёҳатчиларга нисбатан қаттиқ чоралар кўриш” зарурлигини таъкидлаган.
Хусусан, Вашингтон АҚШга транзит орқали ўтаётган Ўзбекистон ва Тожикистон фуқароларининг визалари Европа аэропортларида текширилишини истайди. Аслида Вашингтон муҳожирлар оқимини кузатишда хавфсизликни таъминлаш масъулиятининг бир қисмини Европадаги иттифоқчиларига ўтказишга ҳаракат қилмоқда.
АҚШ позициясининг кескинлашувига ФҚБ тергови сабаб бўлган, унинг натижаларига кўра, Ўзбекистон ва бошқа давлатлардан бир гуруҳ муҳожирлар ИШИД билан алоқадор контрабандаси ёрдамида АҚШга кирган.
Вашингтоннинг қайд этишича, Марказий Осиё давлатлари фуқаролари учун визалар масаласи тўғридан-тўғри ЕИга аъзо давлатлар билан муҳокама қилиниши керак, чунки умумевропа даражасидаги музокаралар чўзилиб кетиши ва бюрократик кечикишлар туфайли қарор қабул қилиш чўзилиб кетиши мумкин. .