Ўзбекистон ва Япония ўртасида янги уюшма ташкил этилди — Бизга қўшилинг: ???? https://t.me/joinchat/AAAAADwt0NGCRoONT4f1_Q
Мамлакат элчихонаси томонидан Киото шаҳрида Япония-Ўзбекистон иқтисодий ҳамкорлик ташкилоти (JapanUzECO) билан ҳамкорликда бизнес-семинар ташкил қилинди, деб хабар бермоқда «Дунё».
Тадбир аввалида янги ташкил қилинган JapanUzECO уюшмасининг тақдимоти ўтказилди. Ушбу ташкилот Япония ва Ўзбекистон ўртасида кичик ва ўрта бизнес соҳасидаги ҳамкорликни ривожлантириш, ўзаро қўшма тадбирлар, бизнес-форумлар уюштириш, икки давлат компаниялари ўртасида алоқаларни ривожлантирган ҳолда ўзаро ҳамкорликни кенгайтиришга кўмаклашиш мақсадида ташкил этилгани маълум қилинди.
Бизнес-семинар давомида Kyoto Plaza Hotels Co.Ltd компанияси президенти, JapanUzECO асосчиларидан бири Юкио Шимизу сўзга чиқиб, Хоразм вилоятига тўғридан тўғри инвестиция киритилган ҳолда амалга оширилиши режалаштирилган янги лойиҳа ҳақида маълумот берди.
Ўзбекистон элчиси Муҳсин Абдураҳмонов ўз чиқишида япон компаниялари учун қизиқиш уйғотадиган автомобилсозлик, тўқимачилик, тиббиёт, қишлоқ хўжалиги, озиқ-овқат саноати, ахборот технологиялар каби тармоқларга ҳамкорлик алоқаларини ўрнатиш имкониятлари билан яқиндан танишиш мақсадида Ўзбекистонга бизнес-миссия билан келишга таклиф қилди.
Киото префектураси сайёҳлик компаниялари вакиллари билан суҳбатда мамлакатга ушбу ҳудуддан сайёҳлар оқимини ошириш ҳамда Ўзбекистон туризм брендини кенг тарғиб қилиш бўйича келишиб олинди.
[/allow-turbo] Жамият Shuhrat Mon, 23 Oct 2023 13:42:54 +0500