Қўл нега терлайди?
Қўл терлаши аксарият инсонларда кузатиладиган ҳолатлдардан биридир. Бу айнан бир касаллик эмас, балки турли касалликларнинг белгиси бўлиши мумкин. Буни аниқлаш учун бемор, албатта, шифокор текширувидан ўтиши керак бўлади.
Аксарият ҳолатларда қўл терлашига қуйидаги касалликлар сабаб бўлиши мумкин:
буйрак усти безларининг интенсив ишлаши,
қалқонсимон без фаолиятининг бузилиши,
қандли диабет,
вегетатив асаб тизими фаолиятининг бузилиши,
стресс ва доимий руҳий сиқилишлар.
Агар сизда ҳам қўл кафтларининг терлаши ўтиб кетмасдан, сурункали давом этаётган бўлса, зудлик билан терапевт, невропатолог ёки эндокринолог шифокорлар кўригидан ўтишингиз, гипергидроз сабабларини аниқлаб, тегишли чора кўришга ҳаракат қилишингиз керак.