АҚШ ва Исроил Ғазо сектори келажагининг учта вариантини кўриб чиқмоқда — Бизга қўшилинг: ???? https://t.me/joinchat/AAAAADwt0NGCRoONT4f1_Q
АҚШ ва Исроил агар ҲАМАС жангариларини Ғазодан сиқиб чиқаришга муваффақ бўлса, сектор келажаги учун учта вариантни кўриб чиқмоқда. Бу ҳақда манбаларга таяниб, Bloomberg хабар берди.
Муҳокамалар Исроил Фаластин назорати остидаги ҳудудда қуруқликдаги манёврларини кенгайтираётган пайтда ўтказилмоқда.
Биринчи вариант Яқин Шарқ минтақасидаги мамлакатларга сектор устидан вақтинчалик назоратни бериш; шу билан бирга, Ғазо секторида АҚШ, Буюк Британия, Франция ва Германия қўшинлари жойлаштириш.
“Саудия Арабистони ва Бирлашган Араб Амирликларининг мавжудлиги ҳам маъқул”, — дейилади хабарда.
Иккинчи вариантга кўра, 1979 йилги Исроил-Миср тинчлик шартномаси (Кемп Девид келишувлари) амалга оширилишини назорат қилувчи Синай ярим оролидаги кўп миллатли кучлар ва кузатувчиларга ўхшаш миссиянинг секторда тинчликпарвар кучлари фаолият юритади.
Учинчи вариант — Ғазо секторини Бирлашган Миллатлар Ташкилоти шафелигида вақтинчалик бошқариш. Bloomberg аввалроқ томонлар у ерда БМТ кўмаги ва араб давлатлари иштирокида муваққат ҳукумат тузиш имкониятини кўриб чиқаётгани ҳақида ёзганди.
“Исроил бу таклифни амалий эмас деб баҳоламоқда, чунки БМТнинг фойдаси кам”, — дейилади хабарда.
Bloomberg таъкидлаганидек, учта вариант ҳам АҚШ президенти Жо Байден ва бошқа давлатлар, жумладан, Форс кўрфази давлатлари учун “сиёсий хавф” туғдиради. Манбага кўра, Байден ҳатто кичик америкалик аскар контингентини ҳам хавф остига қўймоқчи эмас. Араб давлатлари Ғазо сектори тақдирида иштирок этишдан манфаатдор ёки йўқлиги ҳам номълум.
Манбаларга кўра, Исроил “ғояни кўриб чиқишга лойиқ” деб ҳисоблайди. АҚШ Давлат котиби Энтони Блинкен “янгиланган Фаластин миллий маъмурияти”ни секторни бошқариш учун энг яхши вариант деб атади.
[/allow-turbo] Дунё Shuhrat Wed, 01 Nov 2023 14:30:26 +0500