Измир Lonely Planet’нинг 2024 йил учун энг яхши саёҳат йўналишлари рўйхатидан жой олди
Туркиянинг Эгей минтақасидаги энг гўзал шаҳарларидан бири бўлган Измир, машҳур Lonely Planet саёҳат қўлланмаси туркуми томонидан «2024 йилнинг энг яхши шаҳарлари» рўйхатига киритилди. 1973 йилдан буён бутун дунё бўйлаб саёҳат йўналишлари борасида қимматли маълумотларни тақдим этиб келаётган Lonely Planet, навбатаги “Best in Travel 2024” ташриф буюриш тавсия этилган саёҳат йўналишларининг ўн тўққизинчи нашри рейтингини эълон қилди. Саёҳат бўйича мутахассислар гуруҳи томонидан тузилган ушбу рўйхат беш тоифага бўлинган: мамлакат, минтақа, шаҳар, барқарорлик ва қиймат. Қўлланманинг «Энг яхши шаҳарлари»дан бири деб танланган Измир қадимий манзилгоҳлари, таниқли соҳиллари, бетакрор манзаралари, антиқа таомлари ва жозибаси билан мақтовга сазовордир.
Lonely Planet маълумотларига кўра, Измирнинг денгиз қирғоғида жойлашганлиги унинг катта устунлигидир. Нашрнинг ёзишича, Измирнинг тарихий бозорлари, маданият ва санъат масканлари, узумзорлари, гўзал соҳиллари ва қадимий манзилгоҳлари минтақага ташриф буюриш учун жиддий сабабдир. Lonely Planet, ҳар йили июнь-июль ойлари орасида ўтказиладиган турли концерт ва рақс намойишларини ўз ичига олган Халқаро Измир фестивалига ҳам алоҳида эътибор қаратди.
Измир Туркиянинг учинчи йирик шаҳри бўлсада, юқори ҳаёт сифатига ҳисса қўшадиган қулай муҳитга эга. ЮНEСКОнинг Жаҳон мероси рўйхатида бўлган Эфес қадим шаҳри ҳар йили миллионлаб сайёҳ томонидан зиёрат қилинади. Бу шаҳар бинолари яшаш учун қурилган бўлиб, деярли икки километрлик қирғоқ чизиғига эга. Унинг қулай жойлашгани ҳамда денгиз бўйидаги гўзал шаҳар ва соҳилларга осон эришуви Измирнинг жозибадорлигини оширади. Измирнинг ғарбий қирғоғи Фочадан Урлагача, Карабурундан Чешме ярим оролига қадар кўплаб шинам қишлоқлар ва машҳур соҳил аҳоли пунктлари билан тўла. Узумзорлари ва турк винолари билан машҳур Урлада меҳмонлар маҳаллий тамаддихоналарда мазали таомлардан баҳраманд бўлишлари мумкин. Шу билан бирга, Эгей ўтлари ва денгиз маҳсулотлари истеъмоли Чешме ярим оролининг юраги бўлмиш Алачатида кенг тарқалган. Бундан ташқари, Измирнинг бу йил Michelin GUIDE рўйхатига киритилгани ҳам ундаги озиқ-овқат ва ичимликлар сифатини белгиловчи йирик омиллардандир.
Туркиядан ЭуроВело 8 – Ўрта Ер денгизи йўналиши учун танланган илк шаҳар бўлган Измир, шунингдек, велосипед йўллари ва «Bicycle-Friendly» сертификатига эга меҳмонхоналари билан минтақани икки ғилдиракда кашф қилишни истаган саёҳатчилар учун ҳам қулай йўналишдир.