Шимолий Корея ва Жанубий Корея ўртасидаги уруш эртами-кечми содир бўлади — Бизга қўшилинг: ???? https://t.me/joinchat/AAAAADwt0NGCRoONT4f1_Q
КХДР ва Корея Республикаси ўртасидаги ҳарбий кескинликни пасайтириш бўйича келишувга риоя қилиш тўхтаганидан сўнг, Корея яриморолида уруш бўлиши вақт масаласига айланди. Бу ҳақда Корея марказий телеграф агентлиги томонидан чоп этилган мақолада айтилади.
Қайд этилишича, Жанубий Кореянинг амалдаги раҳбарияти ички сиёсий сабабларга кўра КХДРга нисбатан душманона сиёсат олиб бормоқда ва тасодифий тўқнашувларнинг олдини олиш механизми бўлиб хизмат қилган келишувдан воз кечиш учун баҳона кутаётган эди. Мақолада айтилишича, 21 ноябрь куни КХДР разведка сунъий йўлдошининг учирилиши баҳона вазифасини бажариб берди.
“Дунёдаги энг шиддатли қарама-қаршилик олиб бораётган КХДР ва Жанубий Корея чегарасида катта кучлар тўпланган. Ҳозир буфер зоналар бутунлай йўқ қилинди”, — дейилади мақолада.
“Энди Корея яриморолида жисмоний тўқнашув ва уруш эҳтимоллик эмас, балки вақт масаласига айланди”, — деб ҳисоблайди материал муаллифи. Унинг таъкидлашича, Пхеньян Жанубий Корея армиясини ўзининг жиддий душмани деб ҳисобламайди.
“Агар Корея Республикасининг ҳарбий ва сиёсий вакиллари асоссиз ҳарбий провокация қилишга журъат эца, биз бу провокацияни зудлик билан ва кучли чоралар билан бостирамиз”, — дейилади КХДР баёнотида.
“Агар провокациялар содир этилса, Шимол ва Жануб ўртасидаги ҳарбий соҳадаги келишувнинг тўлиқ бекор қилинишига сабаб бўлади”, — дея таъкидланади мақолада.
[/allow-turbo] Дунё Shuhrat Sun, 03 Dec 2023 15:07:44 +0500