Путин президентлик сайловларида иштирок этишини маълум қилди
Владимир Путин янги, бешинчи президентлик муддати учун ўз номзодини қўйишини маълум қилди. Бу ҳақда Россия Федерацияси Президенти Кремлда Ватан Қаҳрамонлари куни шарафига Россия Қаҳрамонларини тақдирлаш маросимидан сўнг маълум қилди.
6 декабр куни Россия Федерацияси Федерация Кенгаши президентлик сайловини 2024 йил 17 мартга белгилади. Улар уч кун давомида бўлиб ўтади: 15, 16 ва 17 март.
Владимир Путин тўрт марта – 2000, 2004, 2012 ва 2018 йилларда Россия президенти лавозимига сайланган. Конституцияга киритилган ўзгартиришлар қабул қилингандан сўнг у 2024 йилги сайловда ўз номзодини кўрсатиш ҳуқуқини олди.