Қандли диабет келиб чиқишининг янги сабаби топилди
АҚШнинг Кейс-Вестерн-Резерв университети олимлари ушбу мавзу бўйича тадқиқот ўтказди ва ўз тушунтиришларини тақдим этди.
Илмий ишнинг бош муаллифи Жонатан Стэмлер аввал S-нитроcилланишни кашф этган, бу жараён азот оксидини (NО) ҳужайралар ўртасида алоқа қила оладиган молекулага айлантирган.
Азот оксиди деярли барча турдаги ҳужайралар ва тўқималарда ишлаб чиқарилади. Бу асаб ва иммунитет тизимларининг ишлаши, қон томирларининг кенгайиши учун зарур. S-нитросилланиш реакциясидаги бузилишлар астма, Паркинсон касаллиги ва склероз каби жиддий касалликларнинг ривожланиши билан боғлиқлиги аввалдан маълум эди.
Янги тадқиқот муаллифлари азот оксиди қандли диабетнинг айрим турларига ҳам таъсир қилишини тахмин қилишди. Улар S-нитросилланишда муҳим роль ўйнайдиган янги фермент – SCANни аниқлашди.
Олимларнинг таъкидлашича, фермент асосан инсулин даражасини назорат қилиш учун азот оксиди билан инсулин рецепторларини нишонга олади. Ферментнинг ҳаддан ташқари фаоллиги қандли диабетга олиб келади. SCAN бостирилганида, лаборатория сичқонлари қандли диабет белгиларини кўрсатмади.
Олимлар диабетнинг иккинчи турига NО нинг инсулин каби оқсилларга ортиқча боғланиши сабаб бўлиши мумкин деган хулосага келишди. SCANнинг ферментини блокировка қилиш ушбу касаллик учун янги даволаш усуллари учун асос бўлиши мумкин, деб хабар беради mir24.tv.