Путин Николай Патрушевга Евгений Пригожинни ўлдиришни буюрган – The Wall Street Journal
Газета манбасининг айтишича, Хавфсизлик кенгаши котиби 2022 йилдан бери Путинни Пригожинни тобора кучайиб бораётгани ва Кремлга таҳдид солаётгани ҳақида огоҳлантириб келган. «Вагнер ХҲК» раҳбарининг исёни Патрушевнинг уни тугатиш тўғрисидаги қарорига туртки бўлди. Қўзғолон пайтида Патрушев вазиятни ҳал қилиш учун қўшни давлатлардан воситачи қидирди. Лукашенкодан ташқари Тўқаев ҳам кўриб чиқилди. Агар рус бўлинмалари ўз кучлари билан кураша олмаса, Қозоғистон қуролли кучларининг ёрдами фойдали бўлиши мумкин эди, аммо Тўқаев ёрдам беришдан бош тортди. Қўзғолондан кейин Патрушев Пригожинни йўқ қилиш режаларини ишлаб чиқа бошлади. Ғарб разведка хизматларидаги манбаларга кўра, 23 август куни Пригожин самолётини текшириш чоғида унинг қаноти остига кичик бомба ўрнатилган. У жўнаб кетганидан ярим соат ўтиб портлади.