Лукашенко президентликдан кетганидан кейин ўз дахлсизлигини ва оиласи учун кафолатларни тасдиқлади
Беларусь раҳбари Александр Лукашенко 2023 йилнинг декабрь ойида мамлакат парламенти томонидан қабул қилинган “Беларусь Республикаси Президенти тўғрисида”ги қонунга ўзгартиришларни имзолади. Ҳужжат президент сайтида эълон қилинган.
Тузатишлар амалдаги президентга ўзи ва оила аъзолари учун дахлсизлик, шунингдек, давлат кўчмас мулкини таъминланган ҳолда ажратиш каби кафолатларни назарда тутади.
Тасдиқланган ўзгартиришларга кўра, Беларусда туғилиши бўйича, камида 40 ёшга тўлган, давлат раҳбари сайланишигача камида 20 йил шу мамлакатда яшаган ва хорижий давлатларнинг ҳужжатларига эга бўлмаган фуқаро президент этиб сайланиши мумкин.
Бундан ташқари, ҳужжатда Беларусь Президентининг ваколатлари кўрсатилган.