Ивица Олич: "Бавария" қизиқаётган бўлса, бу Файзуллаевнинг даражасидан дарак"
ЦСКА ва "Бавария" клублари собиқ ҳужумчиси Ивица Олич "армиячилар" ярим ҳимоячиси Аббосбек Файзуллаевнинг эҳтимолий трансфери ҳақида фикр билдирди.
- "Бавария"нинг Файзуллаевга қизиқаётгани тўғрисида аниқ маълумотга эга эмасман. Агарда мюнхенликлар уни кузатаётган бўлса, бу унинг даражасидан дарак. Аммо у нафақат бир нечта ўйинда, балки мавсумлар давомида ўзини кўрсатиши талаб қилинади. Ана шундан сўнг, нафақат "Бавария", балки бошқа катта клубларнинг қизиқиши ҳақида жиддий гаплашиш мумкин бўлади.
Аббосбек сифатли футболчи эканлигини сезиш қийин эмас. У Ўзбекистондан келиб, жуда тез ЦСКАнинг асосий таркибига кириб олди. Ўзининг юқори даражадаги футболини кўрсатиши учун унга ортиқча вақт ҳам талаб этилмади. Агар шу руҳда давом этса, яқин келажакда унинг столига кўплаб таклифлар келиб тушади, — деди Олич.